حورية فرغلي: «لقيت عمل سفلي من دمي بالمرض وتعطيل زواجي» فيديو

كشفت الفنانة حورية فرغلي عن عدة أسرار بحياتها الشخصية وعن تعرضها لسحر وأعمال سفلية لتعطيل زواجها والمرض.

وقالت حورية خلال لقائها مع برنامج "من الآخر" على شاشة قناة ON TV، "كنت بخس طول الوقت وعيانة ومحدش عارف عندي إيه لحد لما لقيت في عمل في البيت، ولما فتحتها لقيت فيها دم بتاعي ولقيت ورقة مكتوب عليها حورية بنت نادية تصاب بالمرض وتصبح ضريحة الفراش ويقف جوازها وخلفتها ورزقها".

وتابعت حورية فرغلي "لقيت إن عشان أفك العمل دا لازم أستعين بجن عشان دا عمل سفلي ولو عملت كدا كأني كفرت فحجيت كذا مرة ودعيت ربنا، ولسه بركب خيل لحد دلوقت، وشايفة الوسط الفني فيه حاجة غريبة مش هو اللي بدأت فيه من 13 سنة ومعرفتش أتأقلم لأن في شلل وأنا ماليش شلة وحاسة إني مش مرغوب فيا في الوسط الفني".

ونشرت حورية مقطع فيديو عبر صفحتها الرسمية في موقع التواصل الاجتماعي "إنستجرام" جانبا من مقابلة أجريت معها، قالت فيها: "الناس ممكن تحسدني على إيه؟ أنا قاعدة لوحدي وعندي كلب، معنديش صحاب وتليفوني مش بيرن، وطول الوقت مع الآيباد والقراءة، أو أنزل ألف التراك، ومش بعمل حاجة في حياتي".

وتحدثت "فرغلي" عن تواصلها مع عائلتها، قائلة: "ماما بتزورني وأنا بزورها، وممكن أزور بابا، وكنت قاعدة عند أخويا لكن هو طيار ودايما مسافر، ورانيا صاحبتي مش بنشوف بعض كتير".

وأضافت: "أنا دلوقتي عندي 46 سنة، نفسي أتجوز ويبقى عندي أسرة، ومش عايزة أعيش لوحدي، وده محصلش لغاية دلوقت".