محمد فؤاد: «شفط دهون مرتين بهدلوني.. وصحابي اللي حجزولي عند الدكتور عشان أعمل تكميم»

صرح الفنان محمد فؤاد عن عملية التكميم التي أجراها بعد فشل عمليات شفط الدهون، في تصريحات لبرنامج "كلام الناس" مع ياسمين عز على قناة MBC مصر قائلا: "عملت مرتين شفط دهون بهدلوني وكنت بخس واتخن وبقول للناس نصحية أوعوا حد يعمل شفط دهون".

وقال: "أفضل حاجة عملتها تكميم المعدة برغم من إنني سمعت عنها كلام وحش لكن ربنا سترها معايا".

وأضاف محمد فؤاد: "كان لازم أعمل العملية لأني كنت هتعب وشغلي باظ وكنت هدخل في مشاكل صحية وصحابي هما اللي حجزولي عند الدكتور".

وكشف الفنان محمد فؤاد عن سر الزعل مع الفنان محمد هنيدي، قائلا: "يشرفني يكون صاحبي لكن مش بالعافية".

وقال فؤاد، خلال استضافته ببرنامج "كلام الناس"، المذاع على قناة إم بي سي مصر: "عمرنا ما اتكلمنا مع بعض، كان يشرفني يكون صاحبي لكن شلته وجوه غيري".

وأضاف: "هنيدي معزمنيش في فرحه ولا حاجة واللي اتقال ده محصلش، إحنا كنا صحاب في الفيلم اللي صورناه مع بعض لكن في الحقيقة إحنا مش صحاب".