السيسي: «في ناس مستعدة تخرب البلد عشان الكرسي»
حذر الرئيس عبد الفتاح السيسي المصريين من الساعين وراء كرسي الحكم، قائلًا: «في ناس عايزة الكرسي حتى لو كانت البلد هتخرب يقعد هو ونخرب فيها».
وأضاف الرئيس السيسي خلال كلمته على هامش افتتاح التوسعات الجديدة والتطوير لمصنع كيما للأسمدة، اليوم الثلاثاء، قائلًا: «سكة حديد تعبانة ومواني وطرق تعبانة، الناس كانت عارفة كويس إن العلاج عايز فلوس».
وتابع: «أنا بقول الكلام ده لمين؟ أنا بقوله للمصريين علشان محدش وهو بيتكلم يقول الحكومة مكنتش كويسة وسابت السكة الحديد تنهار، أنا بقول للناس اللي هتقول كدا الحكومة عارفة الحل إيه بس خايفين يزودوا سعر التذكرة».
ويشهد الرئيس عبد الفتاح السيسي افتتاح التوسعات الجديدة والتطوير لمصنع كيما للأسمدة.
وتفقد صباح اليوم مصنع اليوريا ونترات الأمونيا بمنطقة كيما بمحافظة أسوان، كما يقوم كذلك بتفقد محطة سكك حديد أسوان حيث يشهد تدشين الوحدات المتحركة الجديدة بمختلف أنواعها من قاطرات وعربات السكك الحديدية.
