محمد رمضان يكشف عن رسالته للاعبي المنتخب الوطني

كشف الفنان محمد رمضان عن الرسالة التي وجهها للاعبي منتخب مصر من خلال مداخلة تلفزيونية، والتي قال فيها: "أخبرتهم لو في كل لحظة افتكرتوا في الـ 100 مليون مواطن وأننا نقدر نسعدهم ده يديكم طاقة فوق طاقتكم"

وتابع: "وده أنا قولته وأنا قاعد مع محمد صلاح وكهربا، قولته لما شخص بيجري وقدامه أتوبيس سرعته بتتضاعف، ولو بيجري وراه كلب سرعته بتتضاعف، لو حطينا الاتنين قدامنا وإننا عايزين ناخد البطولة وفي ناس مش عايزة ده، فـ منشمتش فينا حد لإن هما مش عايزين مصر تعلى".

وأضاف: "أكيد هحضر ماتش بكرا وقابلت الفريق بقيادة كابتن محمد صلاح صاحبي وأخويا وبنتكلم على طول، وأنا شميت ريحة نجاح وألفة وحابين بعض جدًا، وفي صدفة متفائل بيها جدًا رقم السويت عندي 1124 وهو رقم تي شيرت كابتن مصر، وإن شاء الله نرجع من تاني".

واستكمل محمد رمضان: "أنا حاسس السنة دي إن شاء الله البطولة بتاعتنا، وأنا كنت بتكلم إن المدير الفني يفك وجهة نظر إن 90% من البطولات اللي أخدناها كانت بمدرب مصري، وإن شاء الله نفك النحس السنة دي ونمشي كابتن أجنبي مبسوط من عندنا".