ميدو يهاجم فيتوريا ولاعبي المنتخب بعد التعادل المخيب أمام موزمبيق بأمم إفريقيا

علق أحمد حسام ميدو نجم نادى الزمالك السابق على أداء منتخب مصر أمام موزمبيق بعد التعادل المخيب للآمال فى افتتاح مشوار الفراعنة ببطولة كأس الأمم الإفريقية.

وانتهى اللقاء الذى جمع منتخب مصر أمام موزمبيق بالتعادل الإيجابى بهدفين فى شباك كل منتخب، بالجولة الأولى من دور المجموعات لمسابقة كأس الأمم الأفريقية 2023، التى أقيمت على ملعب فيليكس هوفويت بكوت ديفوار.

وكتب “ميدو” عبر حسابة الرسمى على منصة “x”:”مباراة سيئة جدا من منتخبنا ماعندناش أى حلول لاعيبة نص الملعب لا بيدافعوا ولا بيهاجموا باكين الجنب التلاته اللى لعبوا مش عارفين يرفعوا ولا كورة صح”.

وأشار:”مفيش ضغط عليهم المهاجمين واقفين فى العرضيات ماحدش فيهم بيحاول يقطع قبل المدافعين إمام عاشور نازل قرفان وبيلعب على الهادى خالص كأننا كسبانين”.

وتسائل “ميدو”:”إزاى كهربا يبقى بره وأحمد حسن كوكا هو اللى ينزل؟ ليه فى الزحمة دى مصطفى فتحى مانزلش؟ اسوأ مباراة لڤيتوريا مع المنتخب.. مباراة كلها اخطاء من المدرب!!”.

وتابع:” ربنا ستر النهاردة وطلعنا متعادلين والنقطة اللى أخدناها النهاردة هى الحسنة الوحيدة فى الماتش.. الماتش اللى جاى مش محتاج تأليف لازم نلعب 4-3-3 ولازم نبقى منظمين وكل اللاعيبة تلتزم بأدوارها الدفاعية.. كم اللاعيبة اللى بتتمشى بعد ما الكورة بتتقطع مننا مرعب!!”.