رمضان 2024.. نور النبوي يكشف سر اعتذاره عن مسلسل يحيى الفخراني

أوضح الفنان الشاب نور النبوي تفاصيل اعتذراه عن المشاركة فى مسلسل عتبات البهجة والذي يخوض ببطولته الفنان يحيى الفخراني السباق الرمضاني المقبل لعام 2024.

وكشف نور النبوي خلال لقائه مع برنامج الراديو بيضحك مع الإعلامية أسماء مصطفى قائلًا إنه كان يتمنى العمل مع الدكتور يحيى الفخراني، لكن مواعيد التصوير لم تتلائم مع مواعيد تصوير مسلسله الآخر إمبراطورية ميم الذي يشارك فيه مع والده النجم خالد النبوي، لذلك اعتذر عن المشاركة في المسلسل.

وعلى صعيد آخر كان الفنان الشاب نور النبوي قد عبر حسابه على موقع تبادل الفيديوهات والصور "إنستجرام"، عن سعادته لتصدر فيلم "الحريفة" إيرادات شباك التذاكر.

احتفال نور النبوي بنجاح الحريفة

وكتب نور النبوي معلقا: "حب الناس نعمة كبيرة، فكرة إن الناس مبسوطالي وعيزاني أنجح شرف كبير ومسئولية أكبر أنا متشكر على كل الحب ده، السبب الأول اللي خلاني أحب هذه المهنة إني أشارك في فيلم بيدي أمل ويأثر في الأطفال وكل الناس بطريقة إيجابية زي ما كان بيحصلي وأنا صغير، إن ده حصل في أول فيلم، كرم كبير من ربنا، عشان كده لازم أشكر كل الصناع اللي سمحولي أبقى جزء من هذا العمل".

وتابع: "المنتج أستاذ طارق الجنايني، حضرتك فنان وصانع كبير والشغل معاك فخر وثقتك فيا كبيرة أوي عندي، المخرج أستاذ رؤوف السيد.. الرحلة معاك كانت متعة وحرفيتك وشغفك كان بيحمسني على الشغل، مدير التصوير الأستاذ محمد مختار.. ميخا أخويا الكبير من وقت راجعين يا هوى وأنا هموت وأشتغل معاك تاني.. الشغل معاك متعة كبيرة وعينيك مفيش أحلى منها، المؤلف إياد صالح بشكرك على ماجد وبشكرك على كل الأفكار والمشاعر اللي اتأثرت بيها وأنا بقرأ السيناريو".

واستكمل: "المونتير كريم سعد أنا بشكرك على فنك وحرفيتك وحرفنتك، شريك أساسي في النجاح، يارا العشري، الماركتينج مانجر، بتعلم منك، سهى رجائي مديرة أعمالي، مجهودك يشرف وإنتي شريكة نجاح، طاقم الإنتاج المنتج الفني محمد سعد ومصطفى الغزولي وعلي علام، متشكر على كل حاجة".

واختتم: "أخيرًا وليس آخرًا الحريفة وكل طاقم العمل شركاء النجاح، أصحابي وإخواتي مكنتش أتمنى النجاح ده مع ناس تانية ودول بقى ليهم بوست لوحده، فيلم الحريفة في جميع سينمات الوطن العربي".