رامي جمال يطرح «بعده فارق» على اليوتيوب
طرح الفنان رامي جمال أغنيته الجديدة "بعده فارق" عبر قناته الرسمية بموقع يوتيوب، وهي أحدث أعماله الفنية الجديدة وثاني أغانيه بشهر يناير الجاري.
كلمات أغنية بعده فارق
وأغنية "بعده فارق" من كلمات أدهم معتز، وألحان تيام علي، وتوزيع وميكس أحمد إبراهيم، وتقول كلماتها:
كان يوميها عقلي فين وانا بفارق
قولت بُعده سهل بس بُعده فارق
جرح بعد جرح قلبي حس بيه
استفدت يومها ايه انا بعنادي
دة الفراق مش زي مافتكرته عادي
واللي بنا لسة انا عايش عليه
ده اللي مش عامل حسابه
بعده قلبي زاد عذابه
قولت قربه من غيابه
مش فارقين
عرفت قيمته لما سابني
والفراق جالي وغلبني
والسؤال اللي تاعبني
هو فين؟
حيرة بعد حيرة طب ايه النهاية
اه بعيد لكن لسة عايش معايا
نفسي اقوله مش كفاية خلاص غياب
مهما فات الذكريات دايما تجيلي
كل يوم في بالي وبعده هد حيلي
طب وايه اخرتها يعني في العذاب
أغنية دوخناك يا فراق
كان الفنان رامي جمال، قد طرح أغنيته الجديدة "دوخناك يا فراق" على قناته الرسمية بموقع الفيديوهات الشهير يوتيوب، وهذه الأغنية التي تشاركه الغناء فيها زوجته ناريمان.
وكان قد شارك رامي جمال متابعيه بالبوستر الرسمي لأغنيته الجديدة على حسابه الرسمي بموقع الصور الشهير إنستجرام، وكتب معلقًا: «دوخناك يافراق اغنيه حاصله في كل البيوت حوالينا حبيت اغنيها مع ناريمان اللي بحب صوتها وبحترم موهبتها وبحترم احترامها لرغبتي بان الفن يبقي هوايه ليها مش احتراف».
وتابع: «وعشان كده كل فتره لازم يبقي ليها تراك محترم ووعد مني هتحبوا الاغنيه اوي وهتحبوا كل الخطوات الجايه اللي مجهزهالكم البوستر من تصوير العبقري شريف مختار وكلمات ايمن عز والحان محمود انور وتوزيع وميكس وماستر محمد مجدي ميعادنا يوم ٧».
