حمو بيكا: هعتزل بعد 10 سنين.. وأشارك في مسرحية مع رامز جلال
فجر مغني المهرجانات الشعبية حمو بيكا مفاجأة لمتابعيه خلال لقائه في برنامج ورقة في ملف عبر شاشة قناة النهار، بأنه لن يستمر في مشواره الفني بعد ما يقرب من عشر سنوات.
وقال "حمو بيكا": بحلم أكون مرتاح ومستور بس ومش هكمل كل الغنا ده طول الـ 10 سنين الجايين ومحتاج أعمل مصلحة عشان أفضل في الحتة اللي أنا فيها.
وتابع بيكا: وشوفت كتير فنانين مش معاهم ومش عاوز أوصل للمرحلة ديه، ويبقى أنا مش هقعد هنا لو وصلت للمرحلة ديه، وهكافح ولسه فيا نفس وهكمل المشوار.
وأضاف حمو بيكا عن خوضه تجربة التمثيل: هعمل مسرحية بإذن الله في شهر مارس الجاي في السعودية، أنا ورامز جلال، ولو دخلت مجال التمثيل هنجح طبعًا، بس اتحط في المكانة والحتة بتاعتي، والناس طالبة مني إني أمثل.
وعن رأيه في خوض مؤدي المهرجانات الشعبية كزبرة لمجال التمثيل مؤخرًا في فيلم الحريفة، قال بيكا: كزبرة عنده موهبة التمثيل، ليه منقفش جمبه ونساعده يكمل في المسيرة؟.
سبب مشاجرة حمو بيكا في كافية أكتوبر
كشفت تحقيقات النياية أن الأجهزة الأمنية بالجيزة تلقت بلاغا بحدوث مشاجرة بالأيدي بين مغني المهرجانات حمو بيكا وفني صوت من ضمن أعضاء فرقته الموسيقية، وبعض الحضور لإحدى الحفلات التي كان يحييها حمو بيكا.
وأشارت التحقيقات إلى أنه تبين إصابة أحد عمال الكافية ومدير أعمال حمو بيكا وفني الصوت، خلال المشاجرة، وتم القبض على جميع أطراف المشاجرة من بينهم المطرب حمو بيكا، وحرر محضر بالواقعة وتم إحالته إلى النيابة للتحقيق.
وتبين من تحريات المباحث أن خلاف على ميعاد الفقرة الفنية لمطرب المهرجانات حمو بيكا داخل كافيه شهير في أكتوبر تسبب في نشوب مشاجرة وإصابة 4 أشخاص وتحطيم كافيه.
