«محمد موسى» يتوعد فنانًا شهيرًا على الهواء
توعد الإعلامي محمد موسى، مؤدي المهرجانات حمو بيكا، بعد قيامه ببث مقطع فيديو يترجى فيه الفنان هاني شاكر للحصول على العضوية بنقابة الموسيقيين، قائلًا: "اعتبرني ابنك".
وقال محمد موسى خلال تقديم برنامج «خط أحمر»على قناة الحدث اليوم: «بيكا عمل حاجتين عكس بعض، اترجى هاني شاكر الأول، والحاجة الثانية راح رفع قضية هو وشاكوش ضد نقابة الموسيقيين بسبب منعه من ممارسة الغناء، معقبًا : «هو اللي بيعتذر يروح يرفع قضية على النقابة اللي اتنازلت له عن قضية كان هيتحبس فيها».
وأضاف:«بيكا نشر على صفحته الشخصية ، فيديو له وعقب عليه بالقول: «دايمًا بتقولوا على مؤدي المهرجانات بينشروا الفساد وبيبوظوا الجيل والذوق العام، بس للأسف ده كله بيبقى هري وقطيع بيمشي ورا كلام ناس مش بتحب تبين الحلو في الناس، ودايماً بيدوروا إزاي يحبطوا الشباب وأحلامهم».
وعاود موسى هجومه على بيكا قائلًا: «رسالة إيه ياعم سيكا اللي بتتكلم عنها أنت صدقت نفسك ولا إيه الرسالة الوحيدة اللي بتقدموها هي رسالة إفساد الذوق العام وتدمير المجتمع، أنت واللي زيك أفسدتوا الذوق العام وافسدتوا المجتمع المصري بالكلام اللي بتقولوا عنه غناء، هقولك كلمتين ابقي قابلني يابيكا لو غنيت تاني».
