«الحمد لله إننا خرجنا».. تعليق مثير من مدحت شلبي على خروج منتخب مصر من أمم إفريقيا (فيديو)

فتح الإعلامي مدحت شلبي، النار على اتحاد الكرة والبرتغالي روي فيتوريا المدير الفني لمنتخب مصر بعد خروج الفراعنة من بطولة أمم إفريقيا.

وقال مدحت شلبي في تصريحات تليفزيونية: بصرف النظر عن خروجنا بركلات الترحيج، منتخب مصر لم يحقق أي فوز خلال البطوله، لايمكن أن يكون هذا منتخب مصر، ربنا أراد بنا خيرا كان ممكن نخرج أمام المغرب أوالسنغال، المؤشرات منذ البدايه تدل على ما آلت إليه الأمور.

وأضاف: ولما تسأل فيتوريا إيه الحكمة تبدأ بفتوح، إنت لما لعبته الماتش قبل اللي فات خرجته ولعبت حمدي، وكل التوقعات كانت بتقول محمد حمدي فجأة فتوح، الكرة مفيهاش فلسفة.

وتابع: مش عاوز اكون قاسي على فتوح وهو 3 شهور عنده مشاكل ومبيلعبش، على اتحاد الكرة أن يستقيل هو وفيتوريا، وعملي مشروع لـ2026 مع فيتوريا، اللي بياخد 200 ألف يورو في ده كيروش كان بياخذ 75 ألف ووصلنا نهائي إفريقيا.

واختتم: على اتحاد الكرة أن يرحل ومسألة المشروع ده مشروع ميكروباص الجيزة، فيتوريا مش مشروع ده توك توك، أوعى حد يقول يستمر وعليهم الاستقالة لم يحسنوا العمل خالص، إحنا مشوفناش حاجة شوفنا ترهل وأداء مفكك، مبنكلمش علشان العجل وقع والسكاكين كترت، لا ده منتخبنا وخرج صفر اليدين ولايملك شخصيه، ومعندوش اتحاد كرة ولا مدير فني.

https://youtu.be/5kdzeoGNRd8