يسرا: «فيلم ليلة العيد ممكن ناس يخافوا منه علشان بيوجع»
حلت الفنانة الكبيرة يسرا وفريق عمل فيلم ليلة العيد ضيوف على برنامج كلمة أخيرة الذي تقدمه الإعلامية لميس الحديدي، وقالت يسرا عن العمل: "فيلم ليلة العيد جمع كل المشاكل بشكل مختلف فهو ليس حدوته واحدة بل مجموعة من الحواديت التي جرى تضفيرها بشكل جميل جدا على يد الكاتب والسيناريست أحمد عبد الله ومن إخراج المتميز سامح عبد العزيز".
وأضافت: "لازم نقدم حاجة مميزة لها مذاق مختلف حتى لو قدمنا أنواع كوميدية لازم نعمل حاجة مخصوصة تتناول مشاكل حقيقية ولا أقلق من ذوق المشاهد وعارفة ممكن مايعجبش أو يخافوا يتفرجوا عليه أو ميحبوش علشان بيوجع لكن عارفه إني عاملة حاجه صح وفرحانة بها".
وتابعت: "المشاكل دي موجودة في بيوت كتيرة وحوالينا وفيه ناس بنتعامل معاهم عندهم المشكلات دي ولما نقدم عمل زي ده ونشعرهم أننا نشعر بهم وبما يمرون به سوف يختلف لأن الناس أحيانا تهرب للمشاهدة هربا من الوجع وعدم المواجهة".
واستكملت: "تأخر خروج الفيلم للنور لم يؤثر عليه، لو إخترنا مشكلة مشكلة هنفضل نعيد ونزيد ونسرد المشاكل مش بيقولوا البيوت أسرار كل بيت عنده مشكلة من شكل مختلف لكن يتم جمعه تحت كلمة القهر".
فيلم "ليلة العيد" من بطولة يسرا، ريهام عبد الغفور، عبير صبرى، سميحة أيوب، سيد رجب، يسرا اللوزى، نجلاء بدر، هنادى مهنى، محمد لطفى، أحمد خالد صالح، نهى صالح، مايان السيد، محمود حافظ، عارفة عبد الرسول، محمد محمود، عفاف مصطفى، وعدد آخر من الفنانين ومن تأليف أحمد عبد الله وإخراج سامح عبد العزيز.
