«دونجا» يوضح أسباب تنازله عن مستحقاته لدى الإسماعيلي

صرح محمود عبد العاطي دونجا، لاعب نادي بيراميدز الحالي والإسماعيلي السابق، عن مساندته للدراويش خلال أزمة إيقاف القيد الحالية.

وقال محمود دونجا عبر حسابه على موقع التواصل الاجتماعي فيسبوك: "توضيح تم التنازل عن 25% للنادي الإسماعيلي من مستحقاتي ومتبقي 25% في شيك من المهندس يحيى الكومي".

وأضاف : "رفعت دعوى على المهندس يحيي بالشيك وكسبت القضية بس القضية جت بالحجز على النادي لأن الشيك طالع من النادي مش من حسابه الشخصي وجه الحكم بالتنفيذ، كلمني المحترم العميد أحمد النجار من 20 يوما قالي مشكور على 25 % اللي اتنازلت عنهم بس بستأذنك توقف الحجز لأن احنا بنفك قيد وهنجيب لعيبة واقف مع النادي".

وتابع : "لو فعلا الإدارة هتعمل كده تفك قيد وتجيب لعيبة والنادي يخرج من اللي هو فيه أنا أول واحد واقف مع النادي ومش هحجز على حاجة، هو ده اللي حصل وقفت كل حاجة دون ولا جنيه قولتلهم النادي يخرج من اللي هو فيه وبعد كده نشوف".

واختتم : أي حاجة تانية حد قالها أخبار كلها أونطة وأما بيكلموني بيبقوا محتاجين حاجة بساعدهم فيها لو أقدر وربنا يكرم الناس وتقدر تخرج النادي من اللي هو فيه.