خطوبة البلوجر أحلام عادل بعد طلاقها الأول ”صور”
أعلنت البلوجر أحلام عادل عن ارتباطها رسميًا بصديقها بالعمل البلوجر محمد، عبر صفحتها الرسمية بفيس بوك، وهذا بعد انفصالها من زوجها الأول مصمم الأزياء أحمد العجمي وإنجاب طفلها الأول.
ونشرت أحلام عادل عدة صور من سيشن خطوبتها الجديدة وعلقت عليها، قائلة: "انا مش مصدقة ولا عارفة ولا فاهمة مين دا..سبحان الله النصيب غلاب وربنا دايماً شايلنا الاحسن لينا..ربنا عالم اد ايه احلام نفسها تعيش مطمنة وفي امان جنب شخص يفهمها ويحتويها ويحترمها ..الحمد لله الحمد لله ..طول الوقت كنا بنشتغل سوا ونروح ونيجي وكومنتات انتوا لايقين على بعض ومحدش فينا ركز معاها وفعلا بنبعد وسبحان الله بنلاقي حاجة تجمعنا من تاني بس المرة دي واحنا سوا ومش اصحاب ومش بنصور فيديوهات ومش اي حاجة غير اننا مرتبطين".
وتابعت أحلام: "محمد الشخص اللي فعلا اتمنيته من ربنا ..أنا كنت جعانة حب واحترام وأمان ...كان من احلامي اني اصحابي واهلي..يشوفوني متكرمة ومبسوطة وانا جنب الشخص اللي بيرضي ربنا فيا ..رجولته ليا مش عليا ..شخص بيحب الحياة المستقره البسيطة ..شبهي في حاجات كتير..انا حقيقي مبسوطة لدرجة ان كل شويه هاين عليا اتصل اسمع صوته واقفل السكه بس خايفة يقول..عليا هبلة ..الحمد لله الحمد لله بجد".
