بعد ظهورها بـ 20 كيلو ذهب.. لي لي فؤاد: «معملتش حاجة غلط وبشتغل سائق على سيارة»
آثارت البلوجر لى لى فؤاد الجدل الفترة الأخيرة، بعد ظهورها مرتدية كمية كبيرة من الذهب، وانتشار أخبار عن زواجها من رجل ثرى عربى يدعى أبو طلال.
قالت البلوجر لى لى فؤاد لبوابة "مصر 2030": " كل ما انتشر حول زواجى من ثرى عربى هو عار تماما من الصحة، وحقيقة ظهورى بالذهب، كان دعاية لإحدى الشركات الخاصة بالذهب المقلد بالخارج، زى الصينى اللى عندنا فى مصر".
وتابعت: "أنا لم أتزوج من أى رجل، وعندى طفلين، وبشتغل على عربيتى سائق لإحدى الشركات المعروفة، والراجل اللى الناس فاكرة إنى تزوجته، أنا بعتبره زى بابا وساعدنى فى البداية وفتح لى عربية لبيع الحواوشى، ومازال يساعدنى فى مصاريف علاج أبنى المريض بالقلب".
وأضافت: "الناس ظلمتنى كتيرا، بس أنا واثقة من نفسى وعارفة إنى معملتش حاجة غلط، الراجل اللى ساعدنى، والناس قالت أنا خطفته من مراته، أنا على علاقة طيبة بزوجته وأبناءه".
وختمت: "أنا بشتغل وبتعب عشان أوفر فلوس لعلاج ابنى، وتوفير حياة كريمة لعيالى".
