بوسي عن طليقها وليد فطين: «كان طماع ولف عليا لحد ما عرف يوقعني»

نفت المطربة الشعبية بوسي، اتهام طليقها الراحل وليد فطين وشقيقتها لها بأنها استغلته وأنه كان سببا في ظهورها على الساحة الفنية.

وقالت بوسي، خلال استضافتها ببرنامح "العرافة"، المذاع على قناة النهار: "الناس بتقول ده كان المنتج وهو اللي عملها، أنا مش جاية لنصر محروس ولا محسن جابر، أنا اتعرفت عليه لأنه كان بيشغل نمر في شارع هرم، مكنش منتج ولا حاجة".

وأضافت: "كان بني آدم طماع وقالوله إني هبقى نجمة ولف عليا وتزوجني وعرف يوقعني لأني كنت عيلة صغيرة وكان عمري 19 سنة وياخد كل قرش مني، وأكبر دافع لقبولي الزواج منه هو رغبتي في الهروب من سيطرة خالي واستغلاله لي لأنه كان واخد كل شقايا، وعشان أهرب منه رحت للأسوأ منه».