عبد الوهاب: «بقالي 25 سنة بتسرق وكل اللي في حياتي طلعوا خونة»

تحدثت الفنانة شيرين عبد الوهاب عن تفاصيل الأزمات التي تعرضت لها من أصدقائها خلال السنوات الماضية، وكشفت عن ذلك خلال استضافتها في برنامج «بودكاست Bigtime» للثنائي أصالة وعمرو أديب.

وقالت الفنانة شيرين عبد الوهاب: "كل من كان في حياتي خونة، أقرب وأبعد الناس كانوا خاينين ومفيش أصل ولا عشرة، شخص ما وأنا بمشيه من عندي وبقول له أنت ما لكش عيش خلاص عندي فيقول لي أنا عايز كده علشان أمشي، نوع من الابتزاز، مش يقول لي حقك عليا أو آسف إني عملت كده ومش هاين عليا العشرة عايزه أسمع الكلمة دي علشان أطمئن لكن لأ، كل الناس كلهم قلعوا القناع واكتشفت خيانتهم ليا".

وأضافت: "كنت مستنية حد من القريبين ليا يبيض وشي وما تهونش عليه العشرة ويتمنى ليا الخير ما لقتش كلهم طلعوا خونة، جربت الكل في الامتحان وكله رسب ولم ينجح أحد، الفلوس مالهاش علاقة بالتعاسة، أنا شقيت من وأنا عمري 13 سنة ولو كان اللي حواليا بيستثمروا لي فلوسي كان زمان بقى معايا، ولكن أنا بقالي 25 سنة بتسرق ولو حد تاني بيحب الفلوس كان اتنقط، واللي عندي دايمًا مش ليا، أنا عايشة حياتي ببساطة وما عنديش خدم كل اللي عندي فدانين أرض زارعاهم كل الحاجات اللي بحبها، ولما باكل حتة جبنة قريش كإني باكل كافيار".