زوج نيللي كريم يرد على رامز جلال: هو فين الضحك ولا ده اللي بيجيب فلوس
شن لاعب الاسكواش والفنان هشام عاشور، زوج الفنانة نيللي كريم هجوما على الفنان رامز جلال، بسبب تصريحات الفنان باسم سمرة، خلال ظهوره في برنامج "رامز جاب من الآخر"، الذي عرض الإثنين عبر قناة mbc مصر.
وقال هشام عاشور، في مقطع فيديو، عبر صفحته في موقع إنستجرام: "في ناس بتحب توقع بين الفنانين، وتعمل أكشن، الفنان باسم سمرة، محترم وأنا أحبه جدا، وإن شاء الله نشتغل مع بعض قريب".
وتابع: "الفنان اللي معاه اتكلم في حاجات وموضوع عادي بيحصل، ورمى إيفيه بداعي التهريج، وبعدين صوره وقام نشر حاجة قمة في الرخص".
وأضاف: "هل ده الضحك اللي هيجيب فلوس، إيه اللذاذة في كدة، أنا زعلان منك قوي".
ويذكر أن الفنان باسم سمرة، أجاب على سؤال رامز جلال، حول تصريح قديم أنه علم نيللي كريم التمثيل، وقال: "نيللي كريم اتعلمت التمثيل مني وكان في دور واحنا مبسوطين إننا هنشتغل مع بعض راحت جابت جوزها مكاني"، وعلق الفنان رامز جلال: "جوزها بتاع اسكواش وعايز يمثل".
