إبراهيم عيسى: فيلم ”المومياء” من أسخف الأفلام اللي شفتها في حياتي
وصف الإعلامي والكاتب إبراهيم عيسى فيلم "المومياء" للمخرج شادي عبد السلام بأنه من أسخف الأفلام التي شاهدها.
وكشف إبراهيم عيسى من خلال بودكاست "لعل وعسى"، قائلا: "فيلم المومياء من أسخف الأفلام اللي شفتها في حياتي، الفيلم الجبار اللي لف العالم وأخد جوايز الدنيا وبنتكلم أنه أعظم فيلم مصري، ولا فيلم مصري ولا له علاقة بالسينما المصرية، هو فيلم رائع وعظيم لو اعتبرته فيلم بلجيكي أو أعظم فيلم نرويجي في تاريخ السينما النرويجية".
وأضاف إبراهيم عيسى: "إيه المصري اللي فيه والعظمة اللي فيه؟ يعني فيلم بتدور أحداثه سنة 1881 في الصعيد الممثلين بيتكلموا باللغة العربية الفصحى ليه؟ وبيتكلموا كده ليه" الممثل بيقول "أهذه هي عيشتنا" هل دا أداء المواطن الصعيدي؟ دا موطن صعيدي مدبلج".
وتابع عيسى: "أجواء الصعيد وقرى الصعيد وعائلات الصعيد وعائلة "عبد الرسول" أشهر حرامية آثار في تاريخ مصر باردين كده، الثلج نازل على الأقصر فيلم بارد، فيه جماليات طبعا نادية لطفي ورفرفة الزي الأسود وملامحها والمكياج شبه التمثايل الفرعوينة لكن مش فيلم مصري فيلم مش معبر عن مصر".
