سعد الصغير: «بوسي ثبتت والدها ومكنتش بتدي جنيه لاخواتها»
رد المطرب الشعبي سعد الصغير على المطربة الشعبية بوسي، والتي قالت إنها كانت قد اتصلت به وطلبت منه ألا يتدخل في المشاكل التي وقعت بينها وبين والدها، إذ قال: «والمصحف ده ما كلمتني، يا كدابة، كلمت وسيط وقلت له يقولك أبوكي بيقولك أنا آسف مردتش عليا ومكنتش عاوزة تحل مع أبوها».
وتابع سعد الصغير خلال استضافته في برنامج العرافة مع الإعلامية بسمة وهبة، قائلًا: «في يوم الفرح أرسلت رسالة لوالدها طالبته فيها بأن يرتدي بدلة وأخبرته بأنها ستخصص له سيارة تحضره للفرح، واللي حصل إنها ثبتته عشان تمنعه يجي الفرح، وكل شوية يكلمني وأقوله إن شاء الله جاية ومرضتش أقوله إنها ثبتته لأني مكنتش عارف أقوله ايه».
وأضاف: «والمصحف ما كانت بتبعت له جنيه، ولا كانت بتدي لأخواتها حاجة، واشتريت له بـ250 ألف جنيه تكييف وشاشات وغيرها وذلك من تبرع فاعل خير، لأنه كان بيعيش في خرابة، ولو هي تمام وعندها دم تطلع الـ250 ألف جنيه لله، لكن هي أخدت الشقة بالعفش اللي إحنا جايبينه، وهي شقة والدتها، والمفروض تدينا الحاجة اللي جبناها لأبوها».
