تعليق ساخر من شقيق أحمد سعد على تصريحاته الأخيرة

علق سامح سعد شقيق الفنان أحمد سعد على تصريحاته شقيقه الأخيرة والتي جعلته في صدارة التريند، وكشف فيها المطرب الشهير أن شقيقه عالم فيزياء.

وكتب سامح سعد عبر حسابه على موقع التواصل الاجتماعي فيس بوك: "العربية الـ٢٨ عطلت بيا تاني يا أحمد يا سعد تعالي اقطرني من علي الدائري".

وكان قد قال الفنان أحمد سعد: "أخويا سامح لو كان طلع فنان كان زمانه كسب أكتر بكتير من العلم".

وتابع أحمد سعد: "أخويا سامح عالم وهو دا الوحيد اللي ضاع فينا، ما هو لو كان طلع فنان كان زمانه كسب أكتر بكتير من عالم، هو أخد أول 5 سنين في كلية علوم أمتياز مع مرتبة الشرف، وطلع يعمل مؤتمر فأخدته اليابان عشان يحضر ماجستير ودكتوراه، بعد ما حضرهم أمريكا كانت بتشوف مين الأول على اليابان في المجال بتاعه عشان تاخده وهو طلع الأول على اليابان، وأخدوه في أمريكا وعملوا له معمل من أهم 10 معامل في العالم، وبينشر في أهم مجلات علمية هو اللي بيقولي يعني أنا مش بشوف".

وأكمل أحمد سعد حكايته عن شقيقه: "جيه دكتور أحمد زويل كان بيعمل في مصر حاجة وكلمه وطلب منه ينزل يشتغل معاه، وبعد ما كان عنده كل المعامل دي نزل مصر قال أخدم بلدي، بس وكان واقف من يومين على كوبري أكتوبر معاه عربية 128 وإيده فيها شحم روحت جبته آخر مرة، أصل هما قفلوا جامعة النيل، وهو دلوقتي بيشتغل في مستشفى 57357 باحث".