جميلة عزيز: الفن ضيع عمري ويمكن ربنا كاتبلي ارتبط بملاك في الآخرة

حلت الفنانة جملية عزيز، ضيفة في برنامج "المنسي" مع الإعلامية إنجي هشام، والمذاع عبر شاشة قناة "هي"، مؤكدة أن الفن جعلها تخسر فرصة الزواج وتكوين الأسرة، كما كشفت عن أمنيتها في أدء فريضة الحج.

وقالت جميلة عزيز، إن الفن ضيع من عمري وضيع عليا أني اعمل بيت وأسرة، وأنا مش ندمانة ده نصيب من عند ربنا، البني آدم لو مكتوب له أنه يرتبط ويتجوز ويعمل أسرة يبقى هيحصل سواء في الوسط أو برا الوسط، يمكن مكتوب لي عند ربنا أو مكتوبلي يوم القيامة أني ارتبط بملاك، أصل اللي متجوزش في الدنيا هيتجوز في الآخرة أكيد.

وأضافت: أي حاجة بتيجي للبني آدم بتكون تجربة وبتكون خير له، ربنا مبيسببش حاجة للبني آدم غير لما تكون خير لما بعد ذلك، وعايز يخليني في مرتبة أعلى.

وكشفت جميلة عزيز، عن أمنيتها، قائلة: اللي شاغل بالي أني أحج، نفسي أوي أحج وربنا يكتبلي أحج وأزور بيته وأصلي وأدعي هناك، مشتاقة جدا وربنا يكتبها ليا ولكل مشتاق، ونفسي الناس تحب بعضها بإخلاص من قلبها بدون نفاق ومصلحة.