سبب صادم وراء طلاق ياسمين رئيس من هادي الباجوري
تحدث المخرج هادي الباجوري عن سبب طلاقه هو والفنانة ياسمين رئيس، وذلك بعد زواج استمر بينهما لسنوات.
وكشف هادي الباجوري خلال تواجده في لقاء له ببرنامج «حبر سري» الذي تقدمه أسما إبراهيم على قناة «القاهرة والناس» أن تصريح عدم الغيرة على ياسمين كان سبب الطلاق، قائلًا: «سبب طلاقي أنا وياسمين رئيس مش بسبب تصريحي على الغيرة ولا الكلام ده، والتصريح ده في انترفيو وكان الكلام على إن لو في أدوار معينة ممثلة لازم تعملها عشان أنا كنت وقتها عامل فيلم قمر 14، وكان فيه بوس لشيرين رضا وخالد النبوي».
وتابع: «وقالوا لو ده اتطلب من ياسمين أثناء ما هي كانت مراتي وقتها هل هتوافق على كده؟، وكان ردي عايزني أبقى منافق يعني مينفعش أبقى موافق إن ممثلة تانية تعمل ده ومش موافق على دي عشان هي مراتي».
وأضاف: «أيوة هي لو موجودة في فيلم زي ده ومشهد زي ده هخليها تعمل ده، مش هقدر أقولها لأ عشان هبقى منافق والموضوع مكانش ليه أي علاقة بالغيرة هو ليه علاقة إني راجل مؤمن باللي أنا بعمله وبقدمه بشكل واضح وصريح».
