إسعاد يونس: «مش قادرة أتخيل منطق الموت وإننا نرحل في لحظة بعد ممارستنا للحياة»

حلت الفنانة إسعاد يونس ضيفة على برنامج "بيج تايم بودكاست"، والذي يقدمه كلا من عمرو أديب وأصالة، ويعرض على قناة "إم بي سي 1"، وقالت خلال اللقاء: "في لحظة الناس بتروح وأنا مش قادرة أتخيل لحد دلوقتِ منطق الموت، ومش قادرة أتخيل إن سمير غانم دا نام وغمض عينيه وما بقاش موجود، والحتة دي مجنناني في الحياة".

وأضافت صاحبة السعادة إسعاد يونس: "مش قادرة أستوعب ممارستنا الحياة وبعد كدا نرحل في لحظة، وقررت إني ما أكتئبش ولا أشعر بكآبة لأن عمرنا بينفد وكل لحظة بتروح مش راجعة، حياتنا دقائق وثواني والمشكلة إنها ما بترجعش طيب ليه نزعل ونكتئب".

وتابعت: "الفنانة سهير البابلي كانت بتاعة ربنا وقفلتها بتاعة ربنا يعني مسلمة أقدارها، وكنت معاها لحد قبل الوفاة بدقيقة، وعملنا حديث مع بعض لما تعبت أوي وعملت عمليات كتيرة، فرُحت لها ونزلت في رمضان بالعباية ورُحت رايحة لها وعملنا فيديو على السوشيال ميديا وقالت لي احنا هنشتغل وننزل، فقلت لها يلا، بس هي صحيًّا ما كانتش هتقدر، بس كان لازم أقول لها شدي حيلك وقومي بس هي ما كانتش جاهزة، هي ماتت وهي عندها حياة جيدة ومعززة بنتها".