فيفي عبده: أنا أصاحب الرجالة ومصاحبش الستات

أعلنت الفنانة فيفي عبده أنها تفضل أن يكون أصدقائها من الرجال لأن السيدات دائما يشعرن بالغيرة.

وصرحت فيفي عبده خلال لقائها في برنامج "كلام الناس" من تقديم ياسمين عز عبر قناة mbc مصر: "أنا على طول راضية عن الرجالة وبحب الرجالة جدا، أنا أصاحب الرجالة ومصاحبش الستات يغيروا منك ويضيعوكي".

وأضافت فيفي عبده: "الرجالة يعاملوكي زي أختهم وتلاقي معاهم صدق ومش غيرانين منك ولا متضايقين، أنا بقول دايما الست تخلي بالها من الست اللي زيها".

وتابعت فيفي عبده: "أنا محدش يقدر عليا رجالة أو ستات، وهي الرجالة حلوة لكن أنا معنديش وقت ومفيش نفس، لكن الراجل سي السيد في البيت".

وأثناء اللقاء توقعت فيفي عبده عودة موضة القوام الممتلئ للمرأة خلال الفترة المقبلة، بالرغم من انتشار عمليات التخسيس ونحت الجسم، وقالت: "اللي بيخسسوا ونحتوا نفسهم دول، ربنا يديكي لحم وإنت تشيليه؟!".

وأضافت فيفي عبده: "السيزون القادم هو الستات المدملكة، وشوفي الموديل كيم كارداشيان، هبلت العالم بجسمها، نفخت وبعدين خست، وهترجع تتخن تاني معندهاش مشكلة، عندها واحد ميكانيكي تحت رجلها خياط، يالا غرز يالا فك غرز، بس كاريزما وكلهم بيقلدوها".