زينة للناقد طارق الشناوي: «انتقد العمل ماتتكلمش عن طموحك الشخصي فيا»
تحدثت الفنانة زينة خلال برنامج "الحكاية" مع الإعلامي عمرو أديب، وأكدت على احترامها للناقد طارق الشناوي لكنها طالبته بتوجيه نقد موضوعي للأعمال الفنية بدلًا من التركيز على الأفراد.
وتابعت: «لي طلب عند استاذ طارق الشناوي احنا ما عندناش كذا حد يقدر يعمل اللي بيعمله أحمد السقا، ولما تنتقد انتقد العمل كله، ويبقى فيه نقد بناء، أنا بعزك جدًّا بس بقى لك فترة فيه تجاوزات في نقدك حتى عنى».
وتابعت: «بقول لطارق الشناوي اتكلم عن العمل ما تنتقدنيش أنا، هو قال إني أنا سِبت البطولة المطلقة ورُحت أعمل مشهد في العتاولة، لأ، أنا ليَّ الشرف أشتغل مع نجوم زي أحمد السقا وباسم سمرة وطارق لطفي».
وأضافت: «بحترمه جدا وبحبه، وصديق شخصي، وعايزة أطلب منه طلب، ميمشيش ورا الناس والسوشيال ميديا برضو انتقدني في مسلسل الليلة واللى فيها ودخل على حياتي الشخصية، انت مالك بيا المفروض تنتقد العمل نفسه، مش عن طموحك الشخصي فيا وعن حاجه شخصية فيا».
