عمرو يوسف: فيلم شقو خطوة مهمة في حياتي.. ونفسي أرجع أشتغل مع كندة علوش

صرح الفنان عمرو يوسف، عدة تصريحات فنية عند حلوله ضيفًا على أحد البرامج التلفزيونية، وتحدث خلال اللقاء عن تفاصيل فيلمه الأخير شقو، بجانب الكشف عن إمكانية عودة تعاونه مع زوجته الفنانة كندة علوش، وإذا ما كان سيشارك في موسم رمضان المقبل 2025.

ومن أبرز تصريحات عمرو يوسف

-مفيش حاجة اسمها كلمة نجم، في حاجة اسمها فريق عمل لكل الناس اللي قدام الكاميرا وبرة الكاميرا، وبحب أشتغل مع ناس بحبها وفكرة إني أبقى لوحدي مبشوفش إن ده نجاح ولا طريقة صح في التفكير.

-فيلم شقو خطوة مهمة في حياتي، ونجاحه فاق كل توقعاتي.

-الإيرادات أفورت والفيلم رحلة طويلة جدًا ومضيت عليه من عام 2021 وبذلنا فيه مجهود كبير جدًا، وفخور إني عامل فيلم بالشكل ده.

-بحب الشغل مع أحمد عز لأنه راجل ومحترف، والكيميا بينا حلوة.

-بقرأ الآن حلقات لرمضان القادم ولكن لسه ماتفقتش ومافيش قرار.

تجربة الـ 10 حلقات حلوة، وعملت 6 حلقات قبل كده وكانت تجربة عظيمة وعجبتني الفكرة.

-بنتي حياة وكريم لما بطلع في التلفزيون بيفرحوا.

-نفسي أشتغل أنا وكندة مع بعض كنا بنشتغل كتير قبل الزواج، وهنشتغل لما يبقى في اسكريبت مع بعض.

فيلم شقو

والجدير بالذكر أن "يوسف" شارك في بطولة فيلم شقو مع عددًا من النجوم، أبرزهم دينا الشربيني، أمينة خليل، محمد ممدوح، يسرا، وليد فواز، محمد جمعة، وعدد آخر من الفنانين، والعمل من تأليف وسام صبري وإخراج كريم السبكي.