تطلب الدعاء.. تطورات الحالة الصحية لنجوى فؤاد

نقلت الفنانة نجوى فؤاد صباح اليوم، إلى المستشفى لإجراء الفحوصات الطبية بعد تعرضها لوعكة صحية.

وأجرت نجوى فؤاد مجموعة من الفحوصات وما أن اطمئن الأطباء على صحتها غادرت المستشفى وعادت إلى منزلها، وطلبت من جمهورها الدعاء لها.

ويذكر أن نجوى فؤاد قد ظهرت في مارس الماضي في حوار مع الإعلامية سهير جودة، وصرحت وهي مستلقية على السرير، قائلة:: "نبيلة عبيد دائما تطمئن علي وعلى حالتي الصحية، والفنانة صفية العمري أيضا، محدش بيسأل عليا من الفنانين ولا حتى النقيب بتاعنا، ولا سأل عليا من ستة شهور، وسألته على المعاش قالي "أعتقد 600 جنيه، ملاقتش رد أرد عليه".

وتابعت: أتمنى الرحمة من عند ربنا، وإن القائمين على الفن ياخدوا بالهم من الفنانين الذين قدموا للفن أكثر من فناني الجيل الحالي، لأننا خدنا ملاليم وهما بياخدوا ملايين، فلازم يعملوا حساب الفروقات ويساعدوا الناس الغلابة اللي مش قادرة تجيب علبة دواء عشان تتعالج، الفنانين يروحوا فين، فريد شوقي مات معندوش حاجة، ورشدي أباظة مات ومعندوش حاجة خالص، ومديحة كامل جابت ماكينة خياطة واشتغلت عشان تعرف تعيش وتربي ابنها، وجالها جلطة في القلب وهي في سن صغيرة، المفروض كانت تطلع على المعاش، وكانت روحي الله يرحمها.

وأصافت: ناهد شريف وهند رستم كانوا قريبين مني، وهند الوحيدة اللي كان عندها مخ سليم واتجوزت راجل محترم ودكتور كبير وعملت أسرة وقفلت على نفسها وكان ليها اتنين صحاب أنا واحدة منهم، وقبل ما تموت بست ساعات طلبتني وملحقتش أقابلها، ورحيل دلال عبد العزيز كسرني، وسمير صبري كان عشرة عمري وأخ ليا، كان التوأم بتاعي وبيته كان جنب بيت بابا في إسكندرية.