رد ناري من بسمة وهبة على تصريحات ميار الببلاوي

كتبت ميار الببلاوي منشورًا عبر حسابها الشخصي بموقع التواصل الاجتماعي فيس بوك: "رغم تحفظي على الجزء الأول واستخدام نفس الأسلوب اللى كان مزعلني ومخليني فاقدة تركيزي بالرد في الحلقة، إلا إنى هرد على الجزئية بتاعة البوليكة، أنا بعد الحلقة مفتحتش بُقى ولا اهتميت إيه اللي عمل تريند ولا لاء".

وتابعت: "أنا مكنتش مبسوطة بالحلقة عموما، لكن كنت مبسوطة بأنی هكون معاكى لأن أشهد الله أنى بحبك جدا فى الله لموقف عملتيه معايا في بدايتنا الإعلامية وترك معزة فى قلبي لأني مبنساش المعروف".

وأضافت: "عموما طريقتك في الكلام عني مضايقنى أنا فعلًا متكلمتش رغم المصايب اللى حصلتلي بعد الحلقة لأني قلت شوية، والموضوع هيموت یعنی مجریتش ورا تريند ولا فضحت نفسي ولا كذبت زي ما حضرتك تفضلتي، لكن بمجرد ما الشيخ اتكلم أيوه مكنش ينفع أسكت ولازم أدافع عن نفسى وأي حد كان بيقولي بسمة السبب بقولهم أنا رُحت بإرادتي وأنا اللى جاوبت على الأسئلة بس هى مكنتش بتدیني فرصة للتوضيح".

واستكملت: "كنت مضايقة من الطريقة جدا والأسلوب في الحلقة، وده أفقدني تركیزي تماما، وبالنسبة للمونتاج قلت إن فى حاجات كتير اتمنتجت وده حضرتك قريتيه، لكن مقلتش إنك ركبتي صوت وكده".

وأنهت: "بسمة شكرا لنصيحتك لابني وشكرا على دفاعك عني، بس رجاء اتكلمي عني بطريقة غير كده، لأنك عارفة إني مستاهلش أي إهانة ولا تجاوز، اسال الله العظيم رب العرش الكريم أن يغفر لنا أجمعين وبرضه أحبك في الله".

وكانت ردت الإعلامية بسمة وهبة، على تصريحات الإعلامية ميار الببلاوي، بعد حلقتها في برنامج العرافة برمضان 2024، وجدل تصريحاتها حول عودتها لزوجها بعد طلاق 11 مرة، ما جعل شيخا شهيرا يخرج ويتهمها بالزنا.

وقال بسمة وهبة خلال فيديو عبر حسابها الشخصي بموقع تبادل الصور والفيديوهات القصيرة إنستجرام: "عمرى الحقيقة ما رديت على حد حتى لو كلامه كدب وده بيحصل كتير أوي، في العرافة ناس كتير تكون طلعت وحلقاتها تكون معملتش تريند أو عملت تريند وعايزين تاني، فبيقولوا حاجات لنفسهم ويعملوا فضايح لنفسهم في سبيل التريند".

وتابعت: "أنا بطنش وأقول خليهم ياكلوا عيش، فيه كلام اتسرعتي وقلتيه والنبي يا بسمة شيليه، وقلت لك من العين دي، وشيلت اللي طلبتيه، اطلعي كذبيني، لا تقربوا الصلاة، ساكتة ليه من يوم ما الحلقة اتعرضت ما دام مضايقة".