راهنت على تحمل الشعب.. أبرز 10 تصريحات للرئيس عن مواجهة الفقر من منتدى الشباب
حضر الرئيس عبدالفتاح السيسي، رئيس الجمهورية، خلال فعاليات اليوم الثالث من النسخة الرابعة لـ منتدى شباب العالم، الجلسة الرئيسية بعنوان «تجارب تنموية في مواجهة الفقر»، بمشاركة قائمة تضم نُخبة من المتحدثين وهم.
وقال الرئيس السيسي خلال الجلسة، إن حجم الإنفاق الذي قامت به مصر للخروج من متاهة الفقر كان أكثر من 7 تريليون جنيه أي 400 مليار دولار.
وفي التقرير التالي ترصد «بوابة مصر 2030» أبرز تصريحات الرئيس عبد الفتاح السيسي، في جلسة «مواجهة الفقر»
- «مصر دولة شابة والعاملون بها يقدرون بعشرات الملايين لو توقفوا هيبقى نصف دخلها منين.. الدولة هتكون غير قادرة على إعطاء هذا العدد أموال وإعانات يبقى أديك إعانة ولا منحة وفلوس ولا أوفر لك فرصة عمل؟ احنا اخترنا العمل».
-«إحنا قولنا لا هنتحرك في العمل ونخفف من آثار الجائحة اقتصاديا، ونتعامل بانضباط شديد مع الإجراءات الصحية المطلوبة، ولو احتجنا نعمل إغلاق مؤقت هنعمل وده اللى تم».
- «مش بنخبي حاجة وبنقول للناس كل حاجة، ولما جينا نعمل الإصلاح الاقتصادي اتقال ده إجراء يتم التحسب منه كثيرًا، وكنا خايفين من رد فعل الرأي العام والشعب على الإجراءات الصعبة في 2016».
- «الشعب تحمل تبعات الإصلاح الاقتصادي الصعبة، مش هقول سر ولا حاجة لما كنا نناقش الموضوع ده كانت الأجهزة والوزارات متحسبة جدًا منه، ولكن كنت مراهن على الشعب المصري والمرأة المصرية، وقلت البرنامج ده هيمر والناس هتقبله وهتتحمله ولو ماكناش عملنا ده كنا هنبقى في كارثة كبيرة جدا مع جائحة كورونا».
- «الإصلاح الاقتصادي كان الطريق الذي تحملنا من خلاله صدمة اقتصادية وصحية في مصر مع الجائحة يستحق مننا كلنا إننا لا ننام ولا نغفل إلا لما نتجاوزه بالعمل والعمل والعمل».
- «تأثير جائحة كورونا على مصر غير باقي الدول، طيب هناخد الإجراءات الصحية وإرشادات منظمة الصحة العالمية أكيد، لأن دول مواطنينا وبنخاف عليهم، طيب هنعمل إجراءات احترازية ونتشدد فيها طبعًا».
- «أطلقنا حوافز بـ 100 مليار جنيه مع إنه كان أمر مبكر جدًا، وفيه دول كتير في العالم مكنتش اتحركت، وقولنا نضخ 100 مليار جنيه للحفاظ على الشركات القائمة بالفعل وتأجيل المستحقات المطلوبة منهم شريطة عدم تسريح العمالة».
- «من حق الشعوب أنها تحلم وتبدأ تؤثر ويبقى فيه حالة عدم استقرار وفيه خراب وتدمير للدول ويطلع الإرهاب.. وتبقى فيه هجرة غير شرعية والناس عاوزه تسيب بلادها وتروح على البلاد الغنية علشان تعيش.. خلونا نعيش الغلابة».
- «مشروع حياة كريمة وكل اللي إحنا بنعمله في مصر خطوة من ألف خطوة لسه هنعملها وده كلام مش معنوي».
- «عملنا 300 ألف وحدة اللى بنتكلم عليهم دول كان يتم تجهيزهم وتأسيسهم في دولة ظروفها الاقتصادية متواضعة».
