تفاصيل حفل تامر عاشور في الإسكندرية
يحيي الفنان تامر عاشور حفلًا غنائيًا كبيرًا في أحد الأندية بالإسكندرية، وذلك يوم 4 يوليو المقبل، ونشر بوستر الحفل على صفحته الخاصة بموقع الصور الشهير إنستجرام.
كتب الفنان تامر عاشور رأيه في الأزمة الأخيرة التي تعرضت لها الفنانة شيرين عبد الوهاب، وذلك بعدما انتشر تسريب صوتي خاص بالفنان حسام حبيب، وهو يتحدث خلاله عن معاناة شيرين وتعرضها للاستغلال من أهلها.
وعلى صعيد آخر كان قد كتب الفنان تامر عاشور معلقًا: "كل اللي أقدر أقوله في موضوع شيرين عبد الوهاب إن مفيش كلمه واحده بس من اللي اتقالت وانتشرت صح أنا قريب من اهل شيرين ووالدتها واخوها".
وأضاف على حسابه الشخصي بموقع التدوينات "X" : أنا برضه أقولها إني بحبها وكل الدنيا بتحبها وتحب فنها، أهل شيرين مظهروش فى حياتها آخر سنتين ثلاثه أهل شيرين هم اهل شيرين من زمان كل نجاحات شيرين كانت وسط اهلها وناسها اللي يشيلوها من ع الارض شيل".
واستكمل: "يا رب يبعد عنها كل خبيث واناني وفاشل وممثل، هي اطيب منهم كلهم وهم اللي وقعوها فكل مشاكلها "انت بمن حولك " لو اللي حواليك فشله غصب عنك لازم تبقى زيهم وتعافر علشان تقدر تمارس اللي كنت بتعمله ف عدم وجودهم بمنتهى السهوله".
وأنهى حديثه معلقًا: "أنا كلت عيش وملح ف بيتها وف بيت امها واخوها وكان لازم اقول الكلام ده علشان الكلام ده هو الكلام الحقيقي ولا كلمه من اللي اتقالت واتسمعت ليها أساس من الصحه، أهل شيرين هم هم اهل شيرين من زمان قوي".
