ميمي جمال في ذكرى ميلاد حسن مصطفى: مازلت محتفظة بملابسه ونضارته.. واستحالة أتجوز تاني

أحيت الفنانة ميمي جمال ذكرى ميلاد زوجها الفنان الراحل حسن مصطفى، معربة عن حزنها الشديد لفقدانه، كما طالبت محبيها بالدعاء له بالرحمة والمغفرة.

وأعربت ميمي جمال عن حزنها، قائلة: مكنش بيحب يحتفل بعيد ميلاده كان بيقولي دي حاجات عيال صغيرين، ولكن كنت أنا وبناته بنجيب تورتة ونحتفل معاه، ولحد دلوقتي بروح أزوه في المناسبات، وأنا عايشة في نفس البيت اللي كنا عايشين فيه وبحس إنه دائمًا معايا وموجود، ولسة محتفظة بملابسه ونضارته، ومشلتش حاجة من مكانها.

وأضافت ميمي جمال في تصريحات صحفية: أنا متجوزتش وعمري ما فكرت أتجوز بعد رحيله لأن مفيش حد يملي مكانه، ولا سني ولا وضعي يسمحلي بكده أنا بشتغل وبتحرك غير كده استحالة.

والجدير بالذكر أن حسن مصطفى ولد في مثل هذا اليوم 26 يونيو عام 1931، ورحل عن عالمنا تاركًا إرثا فنيا كبيرا لتلاميذه وجمهوره، وعرف الوسط الفني قصة الحب الكبيرة التي جمعت حسن مصطفى بالفنانة ميمي جمال، والتي تكللت بالزواج في نهاية المطاف ونتج عنها ابنتاهما.