باسم مرسي: رمضان صبحي مظلوم من الإعلام الأهلاوي

قال باسم مرسي، لاعب الإسماعيلي الحالي والزمالك السابق، إن رمضان صبحي لاعب بيراميدز مظلوم بسبب الإعلام الذي ينتمي للنادي الأهلي.

وأكد باسم مرسي، في تصريحات صحفية: "رمضان صبحي متسرعش عندما رحل عن الأهلي فهو شعر بقلة تقدير عندما قالوا له ساعة وفكر ثم رد علينا".

وأضاف: "أرقام رمضان مع بيراميدز أحسن من أرقام رمضان مع الأهلي هو هياخد دوري مع بيراميدز لكن الإعلام الأهلاوي ظالم رمضان صبحي".

وعن مبادئ الأهلي بعد ضم إمام عاشور قال: "الموقف ده كشف الأهلي مفيش مبادئ مُطلقة والموقف ده مكانش عندهم مبادئ لكن في حاجات تانية ممكن يكون عندهم مبادئ".

وتابع باسم مرسي: "أنا لعبت في البنك الأهلي 6 أشهر اتبسط باللعب فيه واتبسط بتعامل الناس".

وأضاف: "الناس فيه محترمة جدا النادي ده كويس جدا واللواء اشرف نصار ده كويس جدا واستاذ محمد عبد المنعم المشرف العام على الكرة، بيوفروا للاعيبة كل حاجة معنويات واحترام وتقدير لاعيبة ومدربين".

واختتم مهاجم الزمالك السابق، قائلًا: "من أكتر الأندية اللي اتبسط فيها بعد الزمالك طبعا".