الفنانة جيهان السيد: رشدي أباظة كان عصبيا لكنه بيعتذر واشتغلت مع سعاد حسني

حرصت الإعلامية نهال طايل على زيارة دار إقامة كبار الفنانين، وأجرت مقابلة مع الفنانة جيهان السيد التي تحدثت عن الفنان الراحل رشدي أباظة وكشفت كواليس التعامل معه.

وقالت جيهان السيد في لقاء خاص مع نهال طايل في برنامجها تفاصيل المذاع على قناة صدى البلد 2: "رشدي أباظة ده حبيبي، وأنا أعرفه أصلًا عائليًا من قبل السينما".

واستكملت حديثها عن رشدي أباظة وقالت أنه كان شخصية طيبة لكنه كان عصبي، وقالت: "كان ممكن يزعل من حاجة فيكسر اللي قدامه وبعدها يهدا ويعتذر".

أما عن سعاد حسني، فقالت جيهان السيد، وتابعت: "شوفت كمان السندريلا سعاد حسني عن قرب وأشتغلت معاها، وكانت ست ظريفة ومتواضعة جدًا ومعندهاش كبرياء وبقعد مع الصغير والكبير".
واضافت: "سعاد حسني لما تشوفيها على الشاشة حاجة ولما تقعدي معاها حاجة تانية هتلاقيها ست طيبة وظريفة وسلسة جدًا"، مشيرة إلى أنها عملت مع السندريلا في فيلم خلي بالك من زوزو.