بوسي توجه رسالة لـ ”شيرين عبد الوهاب”.. تعرف عليها

وجهت المطربة بوسي رسالة إلى الفنانة شيرين عبد الوهاب، تمنت فيها أن تعود لقوتها ولجمهورها كما كانت من قبل أزماتها.

قالت بوسي: "أنا بعشق شيرين عبد الوهاب وبعشق صوتها ومستخسراها وبقول حرام اللي بتعمليه في نفسك، أنا مش عايزة اتدخل في حياتها الشخصية، لكن نصيحة من معجبة مش زميلة، إحنا محتاجين شيرين بتاعة زمان اللي كانت مركزة مع شغلها أكتر وكانت بتحب مهنتها وبتحب الغنا وبتحب شغلها وبتعمل حاجات حلوة تكسر الدنيا، ربنا يعملها كل الخير".

وفي إطار حديثها عن أزمة لقب "صوت مصر"، قالت بوسي: "أنا مش مع موضوع الألقاب، في الآخر كل واحدة وليها شكلها وستايلها وليها صوتها اللي تميزت بيه وأغانيها اللي تميزت بيها، كل واحد شايف إن المطربة اللي بيحبها هي دي صوت مصر وبقى في خناقات دلوقتي".

وأضافت: "بس هو السوق اللي بيحكم مين صوت مصر ولا مين رقم 1 أو 2 أو 3، بس مينفعش أنا أقول على نفسي إني صوت مصر لكن لأ السوق اللي بيحكم الموضوع دا".