إنجي علاء تتذكر آخر لقاء جمعها بالمنتج الراحل حسام شوقي
كشفت السيناريست إنجي علاء عن حزنها الشديد لرحيل حسام شوقي، وحرصت على مشاركة جمهورها بصورة لها من خلال حسابها الشخصي بموقع الصور الشهير إنستجرام
وكتبت معلقة: "بحاول مافكرش من ساعة اللي حصل وأهرب بأي طريقة من الواقع المرعب ده.. لسة مش قادرة استوعب، آخر مرة قابلت حسام لقيت فتحي قبلها ربنا يرحمه ويحسن إليه بيكلمني بيقولي على الميعاد.. استغربت لإني عارفة إن حسام وقتها كان مشغول ومسافر وكنا هنتقابل أما يرجع المهم حسام قالي أنا جيتلك في النص المكتب مخصوص بسرعة ولازم أسافر على طول وكانت مقابلة كلها أخبار مش كويسة وكانت حالتي النفسية ملخبطة والشغل وقصصه.. حسام كان مبتسم وهادي زيادة".
وأضافت: "زي ما يكون في دنيا تانية.. كان في حاجة غريبة فيه وفكلامه مافهمتهاش وقتها.. فهمتها دلوقتي.. فهمت كنت عايز تقول ايه يا حسام.. أنا كنت عاملة زي الطفلة اللي كبرت في مكان وهي مش حاسة".
واستكملت: "سنين شغل وشقى وفرح وعمره مازعل مني لما كنت اتضايق واتعصب عشان عارف قد إيه بحب الشغل وبخاف عليه، اليوم ده كان عايز يقولي إن الطفلة كبرت خلاص وإنها لازم هتكمل لوحدها.. كان بيحاول يعرفني أكمل ازاي".
وواصلت:" طلع كان بيودعني وأنا مش فاهمة..والله ما هنسى اللي قلتهولي والله ما هنسى كلامك ونصايحك ياخويا واستاذي وكل حاجة نضيفة وحلوة وأحلى ايام.. مش هنسى اكيد بس يارب اقدر اكمل في الدنيا الصعبة دي.. ربنا يرحمك يا حسام انت وفتحي وتامر ومحمود ويسكنكم فسيح جناته ويصبرنا ويهونها علينا".
