التفاصيل الكاملة لمنع طالب رابعة ابتدائي من دخول الحمام في الامتحانات والتبول داخل اللجنة

سادت حالة من الغضب بين رواد مواقع التواصل الاجتماعي بشأن واقعة منع مراقب طالب بالصف الرابع الابتدائي من دخول الحمام ما جعله يتبول داخل اللجنة وسط إحراج الطالب بين أصدقاءه.

بداية الواقعة كانت فى امتحانات الصف الرابع الابتدائي بمدرسة فاطمة الزهراء الرسمية لغات بحدائق حلوان عندما أراد الطالب دخول الحمام وسط أداء امتحان اللغة العربية.

وقالت والدة الطفل، "إبني في سنة رابعة ابتدائي وكان رايح امتحان العربي متوتر وقلقان من المنهج زى كل الطلبة اللي أول مرة يدخلوا امتحان ولجنة، وأثناء أداء الامتحان طلب من المراقب إ. أ دخول الحمام لأنه مش قادر يستحمل، لكن المراقب رفض وقاله " إقعد مكانك ومرضيش يخرجه بالرغم من بكاء الطفل."

واضافت: "طوال فترة الامتحان وإبني متوتر ومش مركز في الامتحان لأنه عايز يدخل الحمام من البرد وفي الآخر مقدرش يمسك نفسه من التوتر والسقعة وشخط المدرس فيه وتبول على نفسه، وفضل مكسوف جدًا ومش عارف يتحرك قدام أصحابه غير البرد".

وتابعت والدة الطفل: والمدرسة كلمتني بعد ما خلص الامتحان وجبت غيار تاني ليه علشان يعرف يكمل امتحان الدين في البرد ده، وقدمت مذكرة في المدرسة عشان حق ابني يرجع، وبستغيث بوزير التربية والتعليم الدكتور طارق شوقي.