إحالة مُعلِّم واقعة تبول طفل داخل الامتحان إلى الشؤون القانونية

قررت ادارة المعصرة التعليمية، إحالة معلم واقعه تبول طفل أثناء الامتحانات داخل اللجان للشؤون القانونية، لمباشرة التحقيقات.

ووقعت مدرسة فاطمة الزهراء الرسمية لغات للمدرس، جزاء 5 أيام خصمًا من الراتب، ولكن الإدارة لم تكتف بذلك، وقررت إحالته للشئون القانونية للتحقيق معه.

وبداية الواقعة كانت فى امتحانات الصف الرابع الابتدائي بمدرسة فاطمة الزهراء الرسمية لغات بحدائق حلوان، عند ما أراد الطالب دخول الحمام وسط أداء امتحان اللغة العربية.

وقالت والدة الطفل: «إبني في سنة رابعة ابتدائي، وكان رايح امتحان العربي متوتر وقلقان من المنهج زى كل الطلبة اللي أول مرة يدخلوا امتحان ولجنة، وأثناء أداء الامتحان طلب من المراقب «إ. أ» دخول الحمام لأنه مش قادر يستحمل، لكن المراقب رفض وقاله «قعد مكانك»، ومرضيش يخرجه بالرغم من بكاء الطفل».

وأكملت: «طوال فترة الامتحان وإبني متوتر، ومش مركز في الامتحان لأنه عايز يدخل الحمام من البرد وفي الآخر مقدرش يمسك نفسه من التوتر، والسقعة وشخط المدرس فيه وتبول على نفسه، وفضل مكسوف جدًا ومش عارف يتحرك قدام أصحابه غير البرد».

وأردفت: «المدرسة كلمتني بعد ما خلص الامتحان وجبت غيار تاني ليه علشان يعرف يكمل امتحان الدين في البرد ده، وقدمت مذكرة في المدرسة عشان حق ابني يرجع».