عاملين مؤامرة عليا.. شيرين عبدالوهاب تكشف سر ابتعادها عن الساحة الفنية مؤخرًا

تحدثت الفنانة شيرين عبد الوهاب في مداخلة هاتفية مع برنامج الحكاية الذي يقدمه الإعلامي عمرو أديب عن تفاصيل ابتعادها عن الساحة الفنية مؤخرًا، إذ قالت: "قسمًا بالله العظيم في مؤامرة معمولة عليا علشان أقعد في البيت وأنا مش بكبر الموضوع، وأنا ما كنتش بتكلم وكنت قاعدة زي ست خيبتها".

وتابعت شيرين عبد الوهاب: "أنا صوتي مش هيتقطع أبدًا وهفضل أغني وراكبة القطر بتاعي وما حدش هيعرف يوقفه، خلاص أنا سكت كتير".

واستطردت: "روتانا إزاي ياخدوا مني 8 مليون جنيه، بس يا عم أنا فلوسي كتير خليني أفنجر عليهم شوية، أنا بناشد القضاء المصري زي ما اتحكم لروتانا بالغلط إنهم ياخدوا مني 8 مليون بالسرعة دي، أنا كمان القضايا اللي رفعاها يتحكم ليا بسرعة لأني ليَّ حق".

وأضافت: "صحتي زي الفل وأنا فلة شمعة منورة وبحب جمهوري جدًا وكتر خيركم وعلى دماغي اللي بتعملوا علشاني، وأنا ماضية دلوقتِ مع شركة ربنا، وهو اللي ممشيني ومنجحني وواقف معايا وأنا لا أحتاج شركات، وأنا مبسوطة كدا آخر انبساط، والكل يلزم حده ومحدش يجيب سيرتي أنا فنانة كبيرة".

وأنهت حديثها: "مش هبقى حصري لحد تاني أنا أكبر من كدا اوي دفعت نصر محروس من 16 سنة وأنا كنت عاملة نص العقد بتاعي، رحت لروتنا الكل يلزم حدة انا فنانة وفنانة كبيرة أوي والكل يلزم حده".