مصطفى بسيط لـ«مصر 2030 »: «محدش يعرف يعمل اللي بيعمله محمد إمام».. فيديو

تحدث الفنان مصطفى بسيط، عن أقرب الأعمال الفنية التي جسدها إلى قلبه، قائلُا : « لمعي القط من أحب الأعمال لي خاصة وجود النجم محمد إمام أضاف للعمل».

وأضاف بسيط، خلال لقائه بكاميرا موقع«مصر 2030» ، بالقول: « وجود محمد إمام بالعمل مطمئن لأنه بيركز مع الفنان عشان يضيف له و من غير ما يكون بيضايقه ».

وتابع: «أنا استفدت من محمد إمام إنه بيركز جدًا مع الناس اللي معاه وهو من أكتر النجوم اللي اشتغلت معاها ومعندوش مشكلة اللي معاه يطلع أحسن منه في سبيل نجاح العمل".

وأكمل: « مش أي حد يعرف يعمل اللي بيعمله محمد إمام ، لأنه يسعى لنجاح العمل من خلال الاستفادة من الفنانين اللي معاه، ودا بيشجع الفنان على العمل».

مصطفى بسيط ممثل مصري ، كانت بدايته من خلال المشاركة بالجزء الثامن من سيت كوم (راجل وست ستات) عام 2011، ليشارك بالعام التالي بفيلم (مستر أند مسز عويس)، ثم إنضم لفريق عمل مسرح (تياترو مصر) عام 2013، ليسطع نجمه في مسلسل لمعي القط وتتوالى الأعمال.