محمد التاجي لمحمد رمضان: «الناس ردتلي حقي وأنت صعبان عليا»
رد الفنان القدير محمد التاجي، على هجوم الفنان محمد رمضان، عليه بعد استنكاره في لقاء تليفزيوني ما قام به النجم الشاب من إلقاء الدولارات في حمام السباحة.
وقال التاجي، خلال مداخلة مع الدكتور معتز عبد الفتاح ببرنامج تحت الشمس، المذاع على قناة الشمس، أن أول رد فعل له على ما قام به محمد رمضان هو الضحك ورفض التعليق، قائلًا: "لا تعليق عندي على ما قاله.. لو هو قصده شكر وقصده الخير ليا فأنا متشكر جدًا.. ولو قصده أن يسخر مني فربنا يسامحه".
اقرأ أيضًا: شقيق عادل إمام يتهم «التريند» في أخبار وفاة الزعيم
ووجه رسالة لمحمد رمضان، قائلًا: "أنا مسامحك يا رمضان والناس ردتلي حقي لو كان قصده وحش وعشان كده هو شال البوست ومقدرش أقول أكتر من كده".
واستطرد: "محمد رمضان بيصعب عليا لأنه يكون عداوات أكثر منها محبة من الناس ولما الناس تشوفك بترمي فلوس في حمام السباحة فالأولى أن داري على شمعتك تقيد يا محمد.. أنت صعبان عليا وممكن العين تاخدك وأنت اتكعبلت السنة دي كتير وسيبك من كل ده وخليك في الفن وبس".
