كولر: الشوط الأول كان كارثيا.. والفار يسرق هدف الأهلي

تحدث مارسيل كولر، المدير الفني للنادي الأهلي، بعد التعادل السلبي مع البنك الأهلي في مباراة الجولة الرابعة من الدوري المصري، وقال شوية حاجات مهمة عن أداء الفريق.
قال كولر: "الشوط الأول كان مستوى الفريق مش كويس، لكن بين الشوطين اتكلمت مع اللاعبين، وتحسن الاداء شوية في الشوط الثاني".
وتابع: "رامي ربيعة سجل هدف في الشوط التاني، لكن الفار ألغاه، عشان كان فيه لمسة يد، عملنا فرص في الشوط الأول وبرضه في التاني، لكن عندنا مشكلة في استغلال الفرص، ودي لازم نلاقي ليها حل، ولو استمرت هتفضل معانا".

وواصل: "التهديف بالنسبة لي مشكلة كبيرة من سنتين، ومع تلاحق المباريات الموضوع بقى صعب أكتر، وكمان اللاعبين مش مركزين كفاية".

واضاف : "مافيش اتفاق بيني وبين الشناوي على إنه ميبقاش موجود على الدكة، ده زي ما حصل في ماتش سيراميكا كليوباترا لما مصطفى شوبير كان أساسي والشناوي كان قاعد على الدكة".
واتم : "مفيش حاجة اسمها عقدة ستاد السلام، أنا كنت عارف قوة البنك الأهلي هجوميًا وسرعة لاعبيه. في الشوط التاني خلقنا فرص أكتر، ولو جابنا الهدف الأول كان ممكن نجيب التاني كمان".