بالفيديو.. صبري فواز عن «أصحاب ولا أعز»: «الفن مش بيعلم ويربي»
افتتح الفنان صبري فواز اليوم، الندوات الثقافية بمعرض القاهرة الدولي الكتاب، وتحدث خلال لقاء فكري عن رأيه في فيلم أصحاب ولا أعز وكيفية اختياره لأدواره.
وقال "فواز"، في لقاء، مذاع عبر القناة الأولى المصرية: «اتشرفت إني في وسط الناس هنا، واستفدت من الآراء النهارده، والكتب مهمة جدًا، رغم إننا عندنا سوشيال ميديا وجوجل ودي روافد كويسه مكنتش موجودة زمان، كنا بنروح المكتبة ندور لما يطلع عينا ، دلوقتي الحمد لله عندنا فرص كثيرة للإطلاع، لكن هذا لا يغني عن فكرة إنك تقرأ كتاب وأنت قاعد».
اقرأ أيضًا: بعد إطلاقه اليوم.. وزير الأوقاف: «صكوك الطعام» من أهم المشروعات المجتمعية
وأكمل حديثه: «قراءة الكتاب هتفرق معاك جدًا في حياتك ووجهة نظرك، الكتاب هيفضل أهم مصدر تقدر تكون منه وجهه نظر».
وعن رأيه في فيلم أصحاب ولا أعز، قال الفنان صبري فواز: «الفن أرق وأضعف بكتير من المسئوليات اللي الناس بتحملهاله، الفن مش بيعلم أو بيربي، البيوت هي اللي بتربي».
