رامز جلال ساخرا من إمام عاشور في ”رامز إيلون مصر”: صاحب موقعة البلونة
استضاف برنامج "رامز إيلون مصر" اليوم نجم كرة القدم إمام عاشور، حيث استقبله الفنان رامز جلال بمقدمة ساخرة. وبدأ رامز حديثه قائلاً: "معانا لاعب على الأهلاوية غالي، وجمهور الزمالك من بعده بيلالي، عيل كياد كل يوم بمشكلة، يلم عيال بلطجية ويروح يتخانق في مول".
كما أضاف رامز: "حد يعمل مشاكل مع العميد، الراجل اللي قلبه أبيض، ومش عايز أتكلم على العلاقات وأقصد الفتيات المزات، المكلبظات منهم والرفيعات. وأكيد كلنا شوفنا اللايفات، نصيحة مني، اللي كان بيحصل في النادي القديم ما ينفعش يحصل في نادي صالح سليم. معانا صاحب موقعة البلونة، اللي كل حركاته مجنونة".
وفي سياق تعليقه على إطلالة إمام عاشور، قال رامز: "إيه قصبة الرجل اللي إنت خارج بيها دي، تحس إنه خارج من بيضة، يخرب بيت زوقك لابس جاكت كومسارية. الواد إمام عينيه جاحظة أوي زي عيون السمك".
كما تابع رامز ساخراً: "دقنه مدببة عاملة زي دقن أخناتون، وفي لاعب كورة كبير يلبس الجزمة دي، أومال منة فضالي تلبس إيه، والتسريحة من قفاه تحس إنها خوذة الرومان".
تدور فكرة البرنامج حول استدراج الضحية للمشاركة في لجنة تحكيم برنامج اكتشاف المواهب "جولدن تالنت"، حيث يشارك في اللجنة أيضاً النجمة نوال الزغبي، ونجم نادي الاتحاد والمنتخب السعودي محمد نور، بالإضافة إلى رامز جلال والمذيعة بسنت شمس.
