حفيد طه حسين يكشف تفاصيل خاصة عن عميد الأدب العربي

خصص برنامج "باب رزق" الذى يقدمه الكاتب يسرى الفخرانى، على قناة دى إم سى، اليوم الاثنين، فقرة من منزل الدكتور طه حسين، عميد الأدب العربى، بالهرم.

كنا نتلم على حجره ويدينا شيكولاتة ويحكيلنا حواديت

وخلال الفقرة، قال حسن الزيات، حفيد الدكتور طه حسين، إنه كان بجوارنا فيلا الفنان يوسف وهبى، واللى تحولت لفندق وبعدها كان كله أرض زراعية، وكان طول حياته فى القاهرة يعيش فى سكن بالإيجار وفى عام 1955 أصبح عنده إمكانية إنه يبنى حاجة تبقى بتاعته".

وأوضح حسن الزيات أن جده طه حسين كان يحن للريف والهواء الطلق والزرع والشجر، فقام ببناء جنينة فى الهرم وبداخلها منزل، وكان بيحب يتمشى قبل المغرب، ويقعد فى "برندة" داخل البيت ليسمع صوت الطيور والكروان ليلا، كما كانت تضم جنينة المنزل زهور ونباتات جميلة".

تابع حسن الزيات:" لما كنا بنيجى عنده كأطفال كان دايما بينتظرنا وابويا يقولى بوس إيد جدك، وكنا بنتشعبط على حجره وهو مخبيلنا جوه جيوبه شيكولاتة ويدينا ريال فضة هدية فى العيد، وكان حنون وعمره ما شخط فينا، وكان بيحكيلنا حواديت الشاطر حسن".