أحمد شوبير: ”مش فاهم الخناقات بين جمهور القاهرة وإسكندرية.. ولو الأهلي غلط يتعاقب”
أكد الإعلامي أحمد شوبير، خلال ظهوره عبر قناة النادي الأهلي، رفضه التام لفكرة وجود خلافات أو صراعات بين جماهير الأهلي في القاهرة والإسكندرية، مشيرًا إلى أن هذا الأمر غير منطقي ولا يتقبله العقل.
وقال شوبير: "مش فاهم إزاي في خناقات بين جمهور القاهرة وإسكندرية.. دي حاجة مش داخلة دماغي. زمان مكنش في دخلات أو هتافات زي دلوقتي، لكن كان في عم حسين، وكان في جزرة، وكان في خالد.. كنا نعرفهم بالاسم، وكانوا بييجوا النادي ويغنوا في التدريبات".
وأضاف حارس الأهلي السابق: "أنا مش هطلع وأقول إحنا بنرفض العقوبات، لأ، لو غلطنا نتعاقب، وده كان عتابي على رابطة الأندية".
واختتم شوبير تصريحاته بالتأكيد على ضرورة تطبيق اللائحة على الجميع دون استثناء، قائلاً: "لو عندك لائحة، طبقها. وكونك بتطبقها على الأهلي، مقدرش أقولك حاجة.. طالما في غلط، طبق على النادي الأهلي، وعلى جمهور الأهلي كمان".
