تامر حسني يوجه رسالة مهمة لمتابعيه
وجه الفنان تامر حسني، رسالة لمتابعيه، على صفحته الشخصية بموقع تبادل الصور والفيديوهات إنستجرام، بخطورة إدمان وسائل التواصل الإجتماعي.
كتب تامر: "معلش كلمتين في قلبي مهمين هما اللي خلوني أتكلم،كده في الڤيديو ده الإنترنت والسوشيال ميديا خدوا كل أوقات حياتنا وخلونا محنيين وباصين تحت في تليفوناتنا وما أشبه ومبقاش في وقت إننا نبص فوق لربنا ونقوي روحنا بالفضفضة معاه لا الفضفضة بقت وانت باصص تحت في التليفون والآي باد واللاب توب والكمبيوتر شوف شغلك عادي وهزر والعب بس متنساش".
وتابع: "الأهم إنك مخلوق من طين وروح، وزي ما الجسم غذاؤه الميه والأكل، روحك غذاؤها اللجوء لربنا والنظر له والكلام معاه في صلاتك أو في ذكرك ودعائك وكمان محتاجين وقت للتفكير في المستقبل وإزاي نكبر صح ونتدرج في نجاحنا بشكل منطقي سليم بجد بقينا مدمنين سوشيال ميديا وتليفونات وشكلنا بقى غريب والخطر ده طالنا وطال ولادنا لازم فعلاً وقفة مع النفس وإعادة تفكير من جديد في علاقتنا بالإنترنت".
جدير بالذكر أن ينتظر تامر عرض فيلم «ريستارت» من بطولة: هنا الزاهد، محمد ثروت، باسم سمرة، عصام السقا، ميّمي جمال، أحمد عزيز، وأحمد علي، إلهام شاهين، محمد رجب، شيماء سيف، رانيا منصور، توانا الجوهري، ولاعب الزمالك السابق أحمد حسام «ميدو»، وتأليف أيمن بهجت قمر، وإخراج سارة وفيق.
