ابنة عمر الحريري في ذكرى ميلاده: «واحشني وجوده في حياتي»
حرصت الفنانة ميريت الحريري، على إحياء ذكرى ميلاد والدها الفنان عمر الحريري، ووجهت له رسالة خاصة اعربت من خلالها عن اشتياقها الشديد له.
وكتبت على صفحتها الرسمية عبر موقع التواصل الاجتماعي «فيس بوك» قائلة: «انهارده عيد ميلاد أبويا في الجنة بإذن الله عيد ميلاد أبويا ده كان مهم جدًا في حياتنا، بنحضرله من السنة للسنة، مش علشان هو كان بيهتم به، لا إحنا اللي كنا مهتمين جدًا، يمكن علشان اليوم ده رغم انشغاله كان بيفضي نفسه لينا أو نحتفل معاه في المسرح وكان حبايبه كلهم بيبقوا موجودين».
وأضافت: «عمره ما كان بيهتم بالهدية عباره عن إيه، بس كان بيفرح أوي بيها، وكان زمان وإحنا صغيرين يقولنا يعني بتشتروا الهدية من فلوسي، فاتعلمنا نحوش من مصروفنا علشان نجيب الهدية، وحشتني الأيام دي، وحشني وجوده في حياتي».
من جانب آخر، شاركت ميريت عمر الحريري، في السباق الرمضاني من خلال مسلسل «اللي مالوش كبير» الذي دارت أحداثه في إطار اجتماعي تشويقي وتناول المسلسل فكرة اختيارات الإنسان وكيف يدفع ثمن هذه القرارات في حياته، وأيضًا تناول فكرة الرضا والتنازل، وذلك في إطار اجتماعي تشويقي.
وضم «اللي مالوش كبير» نخبة كبيرة من نجوم الفن منهم: ياسمين عبد العزيز، وأحمد العوضي، خالد الصاوي، ودينا فؤاد، ودنيا عبد العزيز، وأحمد سعيد عبد الغني، وإيمان السيد، ومحمود حافظ، وأحمد هوعبد الله محمود، ومحمود عمرو محمود ياسين، والعمل من تأليف عمرو محمود ياسين وإخراج مصطفى فكري.
