إمام عاشور: هذا الهدف هو الأغلى في مسيرتي.. وزملائي كانوا يتمنون تسجيلي له

كشف إمام عاشور، لاعب وسط النادي الأهلي، عن كواليس الهدف الذي وصفه بالأجمل والأقرب إلى قلبه، مشيدًا بالدعم الذي تلقاه من زملائه داخل الملعب خلال المباراة التي سجل فيها هذا الهدف، والتي جسدت الروح الجماعية بين لاعبي الفريق.

وقال عاشور، في تصريحات لبرنامج "الكورة مع فائق":"أنا شايف إن ده أفضل هدف سجلته في مسيرتي. اللحظة كانت مختلفة، نظرت في عيون زمايلي في الملعب، وشوفت إن كلهم عاوزني أجيب جول. عمري ما شفت ده قبل كده، الإحساس كان لا يوصف."

وأضاف: "عمر كمال قالي قبل الهدف: (طول ما انت بتصلي على النبي، هتجيب جول)، ووسام أبو علي، في الدقيقة 80، قالي: (خش لجوه أنا هطلع على الجناح)، عشان الكرة كانت بتيجي ناحيته، وفعلاً لعب مكاني وساعدني أسجل."

وأوضح عاشور أن الدعم لم يكن فقط في التمرير أو التحركات، بل في الروح:"وسام هو اللي نزل مكاني وقطع الكرة، وحسين الشحات ومروان عطية كانوا بيمرروا لبعض، وأنا كنت واثق إن الكرة هتوصل لحسين وهيعرف يوصلها لمروان، واللي بدوره هيدهالي. كنت حاسس بالهدف قبل ما يحصل."

واختتم لاعب الأهلي تصريحاته برسالة مؤثرة قال فيها:"كفاية عليا خوف زمايلي عليا ودعمهم ليا. دي حاجات بتخلي الهدف ده مش بس أجمل، لكن كمان الأغلى في حياتي كلها."