أول رسالة من ميشيل يانكون بعد رحيله عن الأهلي
علق البلجيكي ميشيل يانكون، حارس مرمى الفريق الكروي الأول السابق بالنادي الأهلي، على رحيله عن القلعة الحمراء بعد سنوات داخل النادي.
وكتب ميشيل يانكون، عبر حسابه الرسمي على موقع التواصل الاجتماعي "إنستجرام": "6 سنين كانوا أكتر من مجرد شغل … كانت رحلة حب وانتماء ونجاحات مع نادي عمري ما هنساه".
وأكمل: "كل لحظة قضيتها في التتش، وكل مباراة، وكل دمعة فرح بعد بطولة… هتفضل محفورة في قلبي.. فخور إني كنت جزء من الفريق اللي قدر يحقق 19 بطولة مع الأهلي".
وتابع: "اشتغلت مع حراس عظام، أخواتي قبل ما يكونوا لعيبة.. فخور بكل لحظة قضيناها سوا.. لكن أكتر حاجة عمري ما هنسى حبها.. جمهور الأهلي".
وأردف: "أنتم القلب الحقيقي للنادي. أنتم الروح. أنتم اللي بتدوا المعنى لكل لحظة عشتها هنا.. وقعت في حب مصر والمصريين من أول لحظة… وهفضل شايل الحب ده في قلبي دايمًا، مصر أم الدنيا".
وأتم يانكون، رسالته قائلًا: "شكراً من قلبي لكل شخص دعمني وحبني… أنا واحد منكم وهفضل دايماً واحد منكم".
