ميار الببلاوي تدعم الفنان أحمد السقا في أزمتة الأخيرة
عبرت الإعلامية والفنانة ميار الببلاوي عن حزنها الشديد تجاه الأزمة التي يمر بها الفنان أحمد السقا مؤخرًا، عبر صفحتها الشخصية بموقع التواصل الاجتماعي فيس بوك.
وكتبت ميار: «مش عارفة أنام من زعلي على أخويا وعِشرة عمري أحمد السقا، والله ما ببالغ لأني عارفة أحمد كويس أوي، حتى لو السنين بعدتنا. إحساسه دلوقتي وجع قلبي، الفروسية اللي في شخصيته مش تمثيل، دي حقيقية، راجل بمعنى الكلمة».
وتابعت: «لسه فاكرة اليوم اللي شاف فيه مها، وقرر يخطبها وإحنا بنصور مسلسل (رد قلبي) في استوديو الأهرام، كنت قاعدة مع رامز نحفظ مشهد، ودخل قال لي: ميورة عاوزك، قلتله في إيه خضتني وساعتها كان صاحبه أوي الفنان الجميل أخونا خالد محمود قالي باركي لأخوكي قلتله ليه مسلسل جديد قالي لا هخطب مها الصغير قلتله يا شيخ قالي أه وبحبها أوي قلتله دى قمرايه وباباها أخلاق وكلنا بنحبه فعلا وشه كان بيتنطط من الفرحة«.
وأضافت: «طلعنا الحج سوا، وكان مهتم بيها جدًا وخايف عليها، والله شهادة حق هو راجل بكل ما تحمله الكلمة من معنى، وهي كانت زوجة جميلة ومطيعة وتحترمه».
واختتمت حديثها: «ربنا يربط على قلبك يا قلب أختك.. اللي بيحب بجد بيتوجع، ومش زعلان على الفراق قد ما هو موجوع على ولاده وصدمتهم.. ودي رسالتي ليك يا أحمد: ادعي وإنت على جبل عرفات إن ربنا يأجرك في مصيبتك ويعوضك خير، وتركز في حجك، أزمة وهتعدي.. وإنت قدها».
